تبلیغات
اوخومالیلار - دامجیلار

 

لطفا Internet Explorer  فایدالانین

اوخومالیلار

دامجیلار

یازار: بالاجا خوخان   قونولار: شعرلر، 

بیر - بیریندن یاپیشان

دامجییا باخ, دامجییا

بیر - بیریندن توتاندا

اوخشاییرلار قامچییا.

دامجیلار گؤر نه چوخدو,

بئشدی, اوندو, یوز ایدی...

دامجیلار میرواریدی, -

دامجیلار قوش گؤزودو.

بیرجه - بیرجه دوشوردو,

دامجیلار یاواش - یاواش.

باخیب او دامجیلارا

لووغالانیردی بیر داش:

- دامجیلار بیر - بیر دامیب

بولاقلارا ییغیلار.

دامجیلار برک دئییل ها

ال وورسانیز داغیلار.

اما من مؤحکم داشام

قایالارا یولداشام...

بو سؤزلری ائشیدیب

دامجیلار غضبلندی,

بیر - بیرینی قوواراق

قایالاردان الندی.

اونلار نؤوبیله دوروب

عینی یئره دوشدولر

آخیردا بو لووغانین

تپه‌سینی دئشدیلر...

شعر : خلیل زاهید