تبلیغات
اوخومالیلار

 

لطفا Internet Explorer  فایدالانین

اوخومالیلار

بیزیم داغلار

یازار: بالاجا خوخان   قونولار: شعرلر، 

 

بیزیم داغلار

دره لری یان- یانادیر،

بیزیم داغلار بیزیم داغلار

بولودلارلا هم خانادیر

بیزیم داغلار، بیزیم داغلار.

بولاقلاری سرین-سرین،

اویناغیدیر گؤزللرین،

عرشه آچیب اؤز اللرین

بیزیم داغلار، بیزیم داغلار.

اتکلری چادیر، چادیر

زیروه لری گؤیه چاتیر،

اولدوزلارا کمند آتیر،

بیزیم داغلار بیزیم داغلار.

هاشم طرلان(سئچیلمیش)

مکتبلی قیز

یازار: بالاجا خوخان   قونولار: شعرلر، 

مکتبلی قیز

من مکتبلی بیر قیزام

دئمه یین ساوادسیزام

ائویمیزده آیپارا

مکتبده بیر اولدوزام

قیرمیزیدیر جورابیم

شکیللیدیر کیتابیم

خانیم هرنه سوروشسا

اونا واردی جوابیم

گؤزل گؤیچک بیر قیزام

 گول قیزام چیچک قیزام

اوست-باشیم تر تمیز

تئللری ایپک قیزام

یومورو یول گئدیرم

درسی ازبر ائدیرم

اؤز مهریبان انامی

 هاچان من اینجیدیرم؟

شعر : بهرام اسدی

 

معلم

یازار: بالاجا خوخان   قونولار: شعرلر، 

معلم

بالاجا اوغلان ایدیم

ائویمیزده خان ایدیم

آلتی یاشیم بیتنده

مکتب واختی یئتنده

آتام منه کیف آلدی

منی یانینا سالدی

آپاردی مدرسه یه

آدیمی یازسین دئیه

آدیم کئچدی دفتره

باخیردیم قلملره

بیلمیردیم نه دیر یازی

نئجه یازیم کاغاذی

نئچه واخت گئتدیم اورا

قول قویدوم کاغاذلارا

یارینی بیلدیم داهی

شوکر ائله دیم آللهی

آدیمی یازا بیلدیم

یازینی یوزا بیلدیم

بونو کیم اؤیرتدی کیم؟

محبتلی معلم.

شعر :بهرام اسدی

قاتار

یازار: بالاجا خوخان   قونولار: شعرلر، 

قاتار

بورولور ایلان کیمی

نه سویو وار نه یئمی

سیقنالی وار اوو-اوو

 یول گئتمه یی دوو دی دوو

(تپه لردن یئل کیمی

دره لردن سئل کیمی)

گئدر مقصده چاتار

آدین ایسته سن قاتار.

شعر : بهرام اسدی

ادبلی

یازار: بالاجا خوخان   قونولار: شعرلر، 

 ادبلی

سلام سلام اوشاقلار

 سیزه نئچه سؤزوم وار

ادبلیدیر چون آدیم

بالدان شیریندیر آدیم

سئویرلر منی هامی

چون وئریرم سلامی

ال-اوزومو یویارام

یئمکلری قویارام

فیرچالارام دیشیمی

قویمام قالا ایشیمی

اوست-باشیم تر تمیز

اودور کی اولدوم عزیز

شعر : بهرام اسدی

قوشلار

یازار: بالاجا خوخان   قونولار: شعرلر، 

قوشلار

قوشلار, قوشلار, آ قوشلار!

قارانقوشلار, آ قوشلار!

جه-جه وورون بورادا,

گاه یئرده, گاه یووادا.

قونون بو تک بوداغا,

چوخ گئتمه‌یین اوزاغا.

آ قوشلاریم, گئتمه‌یین,

منی قمگین ائتمه‌یین.

قوشلار, نئچین گئدیرسیز?

یوخسا کی سئیر ائدیرسیز?

قوشلار اوچدو, اکیلدی,

وای, سسلری کسیلدی.

بیر سس گلیر اوزاقدان,

من دینله‌رم بایاقدان:

سؤیلر کی, قیش یاووقدور,

سیزین یئرلر سوووقدور.

وار ایستیجه اؤلکلر,

قیشدا بیزه خوش گلر.

صبیر ائیله, قوی یاز اولسون,

بیر قار, یاغیش آز اولسون,

سووقات گتیرر قوشلار

سیزه گؤزل ماهنیلار.

شعر : عباس صحت

یاغیش

یازار: بالاجا خوخان   قونولار: شعرلر، 

یاغیش

یاغیش گلیر یاغا-یاغا,

یا رب, یاغا بیزیم باغا,

یئری دویونجا ایچیره,

چمن گله دوزه, داغا.

ائی عالمین جانی یاغیش,

یاغ, ایسلات دونیانی, یاغیش!

هاوا هردم گؤزللشه,

آچا چیچک چمن, مئشه,

یاغمور یاغیب گونش دوغا,

چیخا اکینچیلر ایشه,

ائی عالمین جانی یاغیش,

یاغ, ایسلات عالمی, یاغیش!

بوستانچیلار, اکینچیلر,

یاز اولاندا یاغیش دیلر.

یئره, یوردا توخوم ساچار,

مئیوه‌سی‌نین قدرین بیلر.

ائی عالمین جانی یاغیش,

یاغ, ایسلات دونیانی, یاغیش!

اکین الله سوفره‌سیدیر,

تاخیل قئیبی خزینه‌سیدیر.

اؤکوز, کوتان, مالا, توخوم,

خلقه روزی تکنه‌سیدیر.

ائی عالمین جانی یاغیش,

یاغ, ایسلات دونیانی, یاغیش!

شعر :رشید بَی افندیزاده

خوروز

یازار: بالاجا خوخان   قونولار: شعرلر، 

خوروز

آ پیپیگی قان خوروز,

گؤزلری مرجان خوروز!

سن نه تئزدن دورورسان,

قیشقیریب بانلاییرسان?

قویماییرسان یاتماغا,

آی جانیم, مستان خوروز!

شعر : عبدالله شایق

کئچی

یازار: بالاجا خوخان   قونولار: شعرلر، 

کئچی

آلا-بولا, بوز کئچی,

آی قوشا بوینوز کئچی!

یالقیز گزمه, دولانما,

داغا-داشا دیرمانما.

بیر قورد چیخسا قارشینا,

سن نه ائدرسن اونا?

چوبان آچینجا گؤزون,

قالار ایکی بوینوزون.

شعر: عبدالله شایق

دامجیلار

یازار: بالاجا خوخان   قونولار: شعرلر، 

بیر - بیریندن یاپیشان

دامجییا باخ, دامجییا

بیر - بیریندن توتاندا

اوخشاییرلار قامچییا.

دامجیلار گؤر نه چوخدو,

بئشدی, اوندو, یوز ایدی...

دامجیلار میرواریدی, -

دامجیلار قوش گؤزودو.

بیرجه - بیرجه دوشوردو,

دامجیلار یاواش - یاواش.

باخیب او دامجیلارا

لووغالانیردی بیر داش:

- دامجیلار بیر - بیر دامیب

بولاقلارا ییغیلار.

دامجیلار برک دئییل ها

ال وورسانیز داغیلار.

اما من مؤحکم داشام

قایالارا یولداشام...

بو سؤزلری ائشیدیب

دامجیلار غضبلندی,

بیر - بیرینی قوواراق

قایالاردان الندی.

اونلار نؤوبیله دوروب

عینی یئره دوشدولر

آخیردا بو لووغانین

تپه‌سینی دئشدیلر...

شعر : خلیل زاهید

آری و کپنک

یازار: بالاجا خوخان   قونولار: شعرلر، 

آری و کپنک

چمنده بیر کپنک

آرینی قویدو لاغا:

- ایینه‌سی ایتی, آجی,

قانادلاری لوت باجی!

نَیه گئدیرسن باغا,

گل گئدک اویناماغا!

جاواب وئرمه‌دی آری,

گئتدی داغلارا ساری.

ایشله‌دی آخشاماجان

پته‌یه بال داشیدی.

چیچکلرین شئهیندن

قانادلاری یاش ایدی.

گؤردو خاللی کپنک

آرینین اینادینی,

چیچکلرین ایچینده

گیزلتدی قانادینی.

شعر : خلیل زاهید